Auzitegi Goreneko Kabinete Teknikoa apirilaren 2ko 489/1985 Errege Dekretuaren bitartez sortu zen, eta Auzitegi Goreneko presidenteak, edo, hark eskuordetzen badu, Auzitegi Goreneko presidenteordeak gauzatutako goi-mailako zuzendaritzapean egongo da.

Botere Judizialaren 6/1985 Lege Organikoa, uztailaren 1ekoa, aldatzen duen 7/2015 Lege Organikoak, uztailaren 21ekoak, Legeak Auzitegi Goreneko Kabinete Teknikoari buruzko araudi berri bat, oso zehatza, ekarri du (BJLO, 61 bis - 61 sexies artikuluak), Kabinete Teknikoa presidentetzari eta haren salei onarpen-prozesuak gauzatzeko eta txostenak nahiz azterlanak egiteko laguntza ematen duen organoa delako.

Zuzendaritza

Kabinete Teknikoko zuzendaritza zuzendariak osatuko du eta Justizia Administrazioko letradu bat edukiko du atxikita; biei beren idazkari partikularrek lagunduko diete.

• Zuzendaria izendatzea
• Funtzioak

Jurisdikzio-arloa

Kabinete Teknikoko zuzendariaz gain, kabinete hori honako hauek osatuko dute: karrera judizialeko kideek eta Kabinete Teknikoaren letradu izendapena izango duten beste jurista batzuek.

Justizia Ministerioari dagokio Kabinete Teknikoaren osaera eta plantilla zehaztea, betiere Gobernu Salari entzunda eta Botere Judizialaren Kontseilu Nagusiak txostena eman ondoren eta Ogasun eta Administrazio Publikoetako Ministerioak aldeko txostena eman ondoren.

• Osaera

• Izendapena eta hautapena

• Administrazio-egoera

• Funtzioak

Kudeaketa-arloa

Era berean, Kabinete Teknikoan izaera instrumentaleko sailak bilduko dira, eta sail horiek berezkoak dituzten laguntza-funtzioak gauzatuz lagunduko dute; horretaz gain, Auzitegi Gorenak orokorrean behar bezala funtziona dezan lagunduko dute. Sail horiek honako hauek dira:

• Erregistro nagusia
• Itzulpen-bulegoa
• Herritarrei laguntzeko eta informatzeko bulegoa
• Artxibategi-saila
• Informatika-saila
• Erreprografia-saila
• Liburutegi- eta dokumentazio-saila