O Gabinete Técnico do Tribunal Supremo foi creado por Real Decreto 489/1985 do 2 de abril e atópase baixo a superior dirección exercida polo presidente do Tribunal Supremo ou, en caso de delegación deste, polo vicepresidente do Tribunal Supremo. 

A Lei Orgánica 7/2015 do 21 de xullo, pola que se modifica a Lei Orgánica 6/1985, do 1 de xullo, do Poder Xudicial, introduce unha nova regulación, moi detallada, do Gabinete Técnico do Tribunal Supremo (Artigos 61 bis a 61 sexies LOPX), como órgano de asistencia á Presidencia e ás súas diferentes salas nos procesos de admisión e na elaboración de informes e estudos.

Dirección

A dirección do Gabinete Técnico está integrada polo seu director e ten adscrito un letrado da Administración de Xustiza, ambos asistidos por senllos/as secretarios/as particulares.

• Nomeamento do director
• Funcións

Área xurisdicional 

Ademais de polo seu director, o Gabinete Técnico está integrado por membros da carreira xudicial e outros xuristas que posúen a denominación de letrados do Gabinete Técnico.

A determinación da súa composición e persoal corresponde ao Ministerio de Xustiza, oída a Sala de Goberno e tralo informe previo do Consello Xeral do Poder Xudicial e informe favorable do Ministerio de Facenda e Administracións Públicas.

• Composición

• Nomeamento e selección

• Situación administrativa

• Funcións

Área de xestión

No Gabinete Técnico tamén se integran unha serie de departamentos de carácter instrumental que colaboran no exercicio das funcións de asistencia que lle son propias, contribuíndo, ademais, ao correcto funcionamento xeral do Tribunal Supremo.  Estes departamentos son os seguintes:

• Rexistro xeral
• Oficina de tradución
• Oficina de información e atención ao cidadán
• Departamento de arquivo
• Departamento de informática
• Departamento de reprografía
• Departamento de biblioteca e documentación