EAEko Auzitegi Nagusiak berretsi egin du Bilbaoko Lan-arloko 9 zk.ko Epaitegiaren erabakia, zeinak bidezko jo baitzuen langile bat diziplinaz kaleratzea, izan ere, sorbaldako lesio batengatik baja medikoan zegoela, "lesionatutako artikulazioaren etengabeko erabileraz" boxeo-eskolak eman baitzituen. 

EAEko Auzitegi Nagusiko Lan-arloko Salak baztertu egin du langileak jarritako errekurtsoa, kaleratzea bidegabe jotzeko eskatzen zuena. Bertan alegatzen zuen, besteak beste, ez zela egiaztatu bere jokabideak kontratuaren fede ona urratzen zuenik, eta ez zela peritu-froga medikorik egin bere jardueraren (boxeo eskolak ematea) eta jasandako gaixotasunaren arteko bateraezintasuna zehatz-mehatz mugatzeko. 

EAEko Auzitegi Nagusiak erantzuten du auzialdiko epaiak bai jotzen duela egiaztatutzat, «dokumentu-, bideografia- eta lekuko-frogan oinarrituta», auzi-jartzaileak, 2023ko maiatzaren 8tik ezkerreko sorbaldan lesioa izateagatik bajan bazegoen ere, ordubeteko bi boxeo-saio eman zituela 2023ko azaroaren 28an eta 30ean, «lesionatutako artikulazioaren inplikazio zuzenarekin, postura behartuak hartuz, kolpeen eraginpean jarriz eta lesionatutako sorbaldan kolpe bat ere jasoz».

«Enpresa ez zegoen behartuta medikuaren peritu-irizpen bat aurkeztera, eta nahikoa zen egiaztatzea berrosatze-prozesuarekin objektiboki bateraezina den jarduera bat bazegoela, eta ondorio hori gauzatutako frogatik modu arrazional eta arrazoituan ondorioztatu ahal izatea, oraingo kasu honetan gertatu den bezala», gehitzen du EAEko ANek. 

Epai hau ez da irmoa eta bere aurka errekurtsoa aurkez daiteke Auzitegi Gorenean.