O CENDOX realiza a actividade editorial do Consello Xeral do Poder Xudicial, procedente dos materiais orixinados na actividade formativa dos membros integrantes da Carreira Xudicial.

Efectúase o deseño, tratamento e corrección de textos, converténdoos a un formato XML e incorporándoos ao Fondo Documental para a súa difusión en soporte dixital.

Definiuse así mesmo un libro de estilo para que a súa presentación sexa homoxénea.

O CENDOX efectúa un destacado labor de resolución de consultas de información xurídica e apoio documental, mediante atención personalizada, a todos os membros da carreira xudicial.

Coas resolucións dadas ás consultas que se estiman de maior interese xeral, o Cendox elabora dossieres temáticos que difunde en liña para que poidan ser utilizados por todos os membros da carreira xudicial, incorporándose na área persoal do Fondo Documental.

Xestión da rede de bibliotecas xudiciais: Esta rede está integrada polas tres bibliotecas do CXPX - Escola Xudicial, Sede Central do CXPX, e Cendox - e máis de 100 bibliotecas distribuídas nos diferentes órganos xudiciais.

Desde o Cendox coordínanse as actividades relacionadas co Catalogo Colectivo das Bibliotecas Xudiciais, e ofrécese apoio ás mesmas na prestación de servizos e na oferta de produtos de información e documentación.