1. Neurri Penalak:

    a. Askatasuna kentzen dutenak

    b. Urruntze agindua

    c. Komunikazioa debekatzea

    d. Delitua izan den lekura edo biktimaren bizilekura itzultzeko debekua

    e. Armak edo bestelako objektu arriskutsuak kentzea

2. Neurri Zibilak:

    a. Bizilekuaren erabilera eta gozamenaren atribuzioa

    b. Seme-alabekiko zaintza, bisita eta komunikazio erregimena

    c. Mantenu prestazioa

    d. Arrisku edo kalteren bat ekiditeko adingabearentzako babes neurria

3. Gizarte-laguntza eta gizarte-babes neurriak: ordenamendu juridikoan ezarritakoak, estatu mailakoak zein autonomia mailakoak.

 

 

1. Biktimak

2. Biktimarekin K.P-eko 173. artikuluan ageri diren harremanetako bat duen edozein pertsonak

3. Ministerio Fiskalak

4. Ofiziozko epaileak adostu dezake

5. Etxeko indarkeriazko delitu edo faltaren baten berri duten laguntza-erakunde edo organismoek, publikoek zein pribatuek , Guardia Epailea edo Fiskala jakinaren gainean jarri beharko dute berehala, Epaileak babes agindua hartzeko prozedura zabaldu ahal izateko (edota Fiskalak prozedura hori eskatzeko) aukera izan dezan. Lege Integralean adierazitako esparruan emakumearen kontrako indarkeriagatiko arau-hauste penalaren zantzuak dauden balizko kasuan, Emakumearen kontrako Indarkeriarako Epaileari (kasu hauetan, guardia lanetan dagoen Instrukzio Epaileak Emakumearen kontrako Indarkeriarako Epailearen audientzia orduetatik kanpo baino ez du jarduten) horren berri eman beharko zaio.

 

GARRANTZITSUA.- Neurri zibilak berariaz eskatu behar ditu :

        1.Biktimak edo bere ordezkari legalak

        2.Fiskalak, seme-alaba adingabeak edo ezgaituak daudenean

ESKAERA.- Segimendu Batzordeak onartutako eskaera eredu bat dago, biktimaren eskura dagoena berau aurkeztu daitekeen leku eta gizarte-zerbitzu guztietan. Eredu normalizatua , xumea eta eskuragarritasun errazekoa. 2007ko urtarrilaren 1etik aurrera eguneratuta dago.

1. Epailearen aurrean

2. Fiskalaren aurrean

3. Segurtasun Indar eta Gorputzen aurrean – polizia, guardia zibila, polizia autonomikoa edo udaltzainak. Hauek gertakarien egiaztapenerako dagokion atestatua burutzen dute

4. Biktimen Arretarako Bulegoetan

5. Administrazio Publikoen menpeko gizarte-zerbitzuetan edo laguntza-erakundeetan

6. Abokatuen Elkargoen Orientabide Juridikoen Zerbitzuetan

 

 

Eskaera berehala igorri beharko zaio Guardia Epaileari edota Emakumearen kontrako Indarkeriarako Epaileari (audientzia orduetan zehar) honek horretarako eskumena baldin badu. Guardia epaitegian, behin eskaera jaso ostean, Epaileak premiazko audientzia batetara deitzen ditu:

1. Biktima

2. Eskatzailea, eskaera egin duena biktima ez baldin bada

3. Erasotzailea

4. Fiskala

• Audientzia:

72 ORDUKO EPE MAXIMOAREN BARRUAN burutu beharko da.

Deklarazioa bakoitzak bere aldetik egingo du.

• Deklarazioan zehar, Epaileak erasotzailearen eta biktimaren, bere seme-alaben eta familiako gainontzeko kideen arteko konfrontazioa saihesteko beharrezkoak diren neurriak hartuko ditu.

Audientzia burutu ostean Epaileak AUTOA ebatziko du, bertan, horrela estimatzen den kasuan, biktimarentzako babes neurriak adosten direlarik.

 

Epaileak har ditzakeen NEURRIAK, besteak beste, hauexek dira:

• Neurri Penalak:
      a. Askatasuna kentzen dutenak
      b. Hurbiltzea debekatzea (urruntze agindua)
      c. Komunikazioa debekatzea
      d. Delitua izan den lekura edo biktimaren bizilekura itzultzeko debekua
      e. Armak edo bestelako objektu arriskutsuak kentzea
• Neurri Zibilak (berariaz eskatu behar dira)
      f. Bizilekuaren erabilera eta gozamenaren atribuzioa
      g. Seme-alabekiko zaintza, bisita eta komunikazio erregimena
      h. Mantenu prestazioa
      i. Arrisku edo kalteren bat ekiditeko adingabearentzako babes neurria

Neurri zibilek 30 EGUNEKO iraupena dute, tarte horretan egongo dira indarrean. Epe honen barruan biktimaren edo bere ordezkari legalaren eskariz familia prozedura bat abiarazten baldin bada eskumena duen Epailearen aurrean, babes aginduan hartutako neurriek indarrean jarraituko dute demanda aurkeztu osteko 30 egunetan zehar. 30 egun hauetan zehar Familia Epaile zibilak edo Emakumearen kontrako Indarkeriarako Epaileak berretsi, aldatu edo baliogabetu egin beharko ditu neurriok.

Babes agindua etxeko indarkeriaren biktimen babeserako ERREGISTRO Zentralean erregistratu beharko da, baliogabe geratzen baldin bada ere bertan jasota geratu beharko delarik.

Babes aginduaren autoaren berri eman behar zaie:

1. Pateei, erasotzaileari eta Fiskalari

2. Biktimari

3. Administrazio publikoei (Koordinazio Puntua)

4. Poliziari edo Segurtasun Indarrei

 

Babes aginduak ondokoa ematen dio biktimari::

• BABES ESTATUTU INTEGRALA, honek ordenamendu juridikoan ezarritako neurri zibilak eta penalak eta laguntza eta babes neurriak barne hartzen dituelarik. Edozein autoritate eta Administrazio Publikoren aurrean baliagarria izango da.
• Berekin dakar erasotzailearen egoera prozesalaren inguruan eta bere espetxe egoeraren inguruan biktimak uneoro informazioa jasotzeko duen eskubidea

 

Martxoaren 5eko 355/2004 Errege Dekretuak (2004ko martxoaren 25eko BOE) -Otsailaren 9ko 95/2009 Errege Dekretua indargabetu- arautzen du Erregistro Zentralaren funtzionamendua.

513/2005 Errege Dekretuak Komunitate Autonomoei, eurotako bakoitzak izendatutako Koordinazio Puntuen bitartez, Erregistro Zentralera sarrera izateko aukera ematen die, organo jurisdikzionalek euren eskumenen esparruan adosturiko babes neurrien konplimendua bermatzeko helburuarekin, bai behin-behinekoena eta bai behin betikoena ere. Geroago, maiatzaren 25eko 660/2007 Errege Dekretuak Gobernuko ordezkaritzek eta azpiordezkaritzek babes neurrien (bai behin-behinekoen eta bai behin betikoen) konplimendu eraginkorra bermatzeko beharrezkoa den informaziora sarrera izateko aukera ahalbidetu du.

Justizia Ministerioak kudeatzen duen Erregistro hau maila nazionaleko informatizaturiko datu-base bat da, bere baitan etxeko indarkeriagatiko prozedura penaletan adostutako delitu edo faltengatiko ebazpenetan eta kautela-neurri eta babes agindu ebazpenetan ezarritako zigorrak eta segurtasun neurriak gordetzen dituelarik.

Ondoko hauei ematen die informazioa:

• Zigor-arloko eta familia arloko epaitegiei
• Ministerio Fiskalari
• Polizia Judizialari
• Komunitate Autonomoei
• Gobernuko ordezkaritzei eta azpiordezkaritzei

Zertarako?

• • Kausa penalak eta zibilak izapidetzeko
• • Babes neurriak eta laguntza-neurriak hartzeko, aldatzeko, exekutatzeko eta euron segimendua egiteko

Informazioaren kontsulta bi eratara egin daiteke:
    a. Salatuaren edo biktimaren datuen bidez
    b. Prozeduraren datuen bidez