Galiziako Justizia Auzitegi Nagusia autonomia erkidegoan Botere Judizialaren adierazpenik handiena da. 1989ko maiatzak 23an, egitura judiziala osatzen duen organo bezala eratu zen. Justizia Auzitegi Nagusiak Botere Judizialaren Lege Organikoaren 26. artikuluak aurre ikusten duen plantatik sortzen da.

Hiru Justizia Salak osatzen dute:

• Zibileko eta Zigor-arloko Sala
• Administrazioarekiko auzietako Sala
• Lan-arloko Sala

Zibileko eta Zigor-arloko Sala kasazio errekurtsoez eta zuzenbide zibil galiziarraren alorrean lurraldeko bestelako organo jurisdikzionalek emandako ebazpenen kontrako berrikusteez arduratzen da. Erantzukizun zibileko demandez eta forupeko deiturikoen kontrako kausa penalez ere arduratzen da. Forupekoak honako hauek dira: Gobernuko kideak, komunitate autonomoko Legebiltzarreko kideak eta kargu judizial jakin batzuk. Gainera, Epaimahaiaren Legearen auzietako apelazioen inguruan ere ebazten du.

Administrazioarekiko auzietako Sala lekuko eta komunitate autonomoko administrazioen ekintzen kontrako errekurtsoez arduratzen da, honetaz arduratu beharra Administrazioarekiko auzietako epaitegiei ez dagokienean. Azken hauen ebazpenen kontrako apelazioen inguruan ere ebazten du eta baita hauteskunde batzordeei loturiko errekurtsoen inguruan ere, bai probintzia mailakoak direnean eta baita komunitate autonomo mailakoak direnean ere.

Lan-arloko Sala lurraldeko Lan-arloko Epaitegiek emandako ebazpenen kontrako erregu-errekurtsoez arduratzen da, eta baita euren artean sor daitezkeen eskumen auziez ere.

Eskumen jurisdikzional hauez gain, Auzitegi Nagusiak gobernu izaeradun bestelako eskumenak ere baditu, bere Presidentearen eta Gobernu Salaren esku daudenak.

Gobernu Sala Komunitate Autonomoko epaitegien eta auzitegien barne gobernurako organoa da. Bere xede nagusia Galiziako epaitegien eta auzitegien eguneroko funtzionamendua antolatzea da.

Gobernu Aretoa honako hauek osatzen dute:

• Auzitegiko presidenteak
• Hiru saletako presidenteek
• Lau probintzia auzitegietako presidenteek
• Komunitate autonomoan lan egiteko izendatu dituzten karrera judizialeko kide guztiek aukeraturiko magistratu edo epaile kopuru bera. Horietako batek gutxienez epaile maila izan behar du.

Gobernu Salako lehendakaria Galiziako Justizia Auzitegi Nagusiko lehendakaria da. Berezko kideak dira gainera, honetaz gain, Administrazioarekiko Auzieen Salako lehendakaria eta Lan-arloko Salako lehendakaria, Probintzia Auzitegiko lehendakaria, Madril hiriko Epaile Dekanoa eta Gobernu Salako idazkaria.

Gobernu Salak, bere ardurapean dauden epaitegi eta auzitegien funtzionamendua antolatzeko eskumen zabalak ditu eta funtzio hauen artean ondoren aipatzen diren hauek aurkitzen dira:

• Aipatautako organo judizial hauen epaile eta magistratu titularren plaza edo lanpostuak egoki beteak egotea egiaztatzea.
• Justizia administrazioari buruz herritarrek mahaigaineratzen dituzten kexak aztertu.
• Prozesu judizialetan parte hartzen dutenei, epaileek inposatzen dizkieten zigorrak berrikusi.
• Lehendakariari ikuskatze bisitaldiak proposatu.
• Beste administrazio publikoekin harreman instituzionalak mantendu, Justizia administrazioaren funtzionamendua hobetzeko asmoz.
• Botere Judizialaren Kontseilu Nagusiari zuzendutako ikerketak eta proposamenak egin.
• Magistratu eta epaileekiko diziplina eskumenak gauzatzea.