A Audiencia Nacional está integrada por:

• Seis xulgados centrais de instrución penal.
• Catro Salas: De apelación, Penal, Contencioso-administrativo e Social.
• Ademais, están adscritos á Audiencia Nacional dez xulgados centrais do contencioso, un xulgado central do penal e un Xulgado de Menores.

O presidente da Audiencia Nacional ten a consideración de presidente de Sala do Tribunal Supremo e é o presidente nato de todas as súas Salas.

Entre as súas atribucións está convocar e presidir as deliberacións da Sala de Goberno, fixar a orde do día da devandita Sala, someter cantas propostas considera oportunas, autorizar os acordos, velar polo cumprimento das medidas adoptadas polo órgano gobernativo, despachar os informes pedidos polo CXPX e, en definitiva, exercer todos os poderes dirixidos á boa orde do Tribunal (ver artigo 63.2 da LOPX).