O Pleno do Consello Xeral do Poder Xudicial elixirá anualmente os Vogais integrantes da Comisión Permanente. A Comisión Permanente estará composta polo Presidente do Tribunal Supremo e do Consello Xeral do Poder Xudicial, que a presidirá, e outros sete Vogais: catro dos nomeados pola quenda xudicial e dous tres designados pola quenda de xuristas de recoñecida competencia. A excepción dos membros da Comisión Disciplinaria, procurarase a rotación anual do resto dos Vogais na composición anual da Comisión Permanente.

O Consello Xeral do Poder Xudicial determinará, no Regulamento de Organización e Funcionamento, os casos e a forma en que, por razóns de transitoria imposibilidade ou ausencia xustificada ás sesións da Comisión Permanente, deba procederse á substitución dos Vogais titulares por outros Vogais, co fin de garantir a correcta composición e o axeitado funcionamento da devandita Comisión.

Á Comisión Permanente compete o exercicio de todas as atribucións do Consello Xeral do Poder Xudicial que non estiveren expresamente reservadas á Presidencia, ao Pleno, á Comisión Disciplinaria, á Comisión de Igualdade ou á Comisión de Asuntos Económicos pola presente Lei Orgánica.

Sen prexuízo do disposto no apartado anterior, o Regulamento de Organización e Funcionamento do Consello Xeral do Poder Xudicial poderá atribuír competencias aos Xefes dos Servizos para supostos que, sen estar reservados ao Pleno, non supoñan exercicio de potestades discrecionais. Neste caso, caberá recurso de alzada perante a Comisión Permanente contra as resolucións dos Xefes dos Servizos.

En todo caso, a Comisión Permanente preparará as sesións do Pleno e velará pola exacta execución dos seus acordos (Artigos 601 e 602 do LOPX).

Composición:

• D. Vicente Guilarte Gutiérrez
• Dña. Carmen Llombart Pérez
• D. José Antonio Ballestero Pascual
• Dña. Pilar Sepúlveda García de la Torre
• Dña. Mar Cabrejas Guijarro
• Dña. Roser Bach Fabregó
• Dña. María Ángeles Carmona Vergara