Entzutegi Nazionala Botere Judizialaren Lege Organikoaren II Kapituluan, IV Tituluan, I Liburuan,  62tik 69 artikuluetan erregulatuta dago.

Entzutegi Nazionalak hiru jurisdikziotan eskumenak dauzka:

• Penala: Instrukzioko epaitegi zentralak terrorismoko, Koroaren aurkako, dimentsio handiko narkotrafikoko delituak, ekonomia nazionala gogorki kaltetzen duten delitu ekonomikoak, espainiarrek atzerrian gauzatutakoak, baita estradizioak edo euroaginduak aztertzeaz arduratzen dira. Penalaren Auzi gela aipatutako delituak epaitzeaz eta apelazio areto moduan epaitegi zentralek hartutako erabakiak berrikusteaz arduratzen da (ikusi BJLO-ren 65 artikulua). Orden honetan ere zigor arinenak dituzten delituak epaitzeko penalaren epaitegi zentrala, 14 eta 18 urte bitarteko gazteek gauzatutako terrorismoko delituak epaitzeko adin gutxikoen epaitegi zentrala, baita espetxe zaintzaren epaitegi zentrala, Entzutegi Nazionalaren eskumen diren delituak dituzten presoen kontrol jurisdikzionalaz arduratzen dena.
• Administrazioarekiko auzia: Administrazioarekiko auziaren epaitegiek eta Administrazioarekiko auziaren Auzi gelek Administrazio Publikoaren egite eta xedapenen kontra ezarritako errekurtsoak ezagutzen dituzte (ikusi BJLO-ren 66 artikulua).
• Soziala: Sozialaren Auzi gela, funtsean, Autonomia Erkidego baten gainetik dagoen lurralde esparruan edo Autonomia Erkidego bat baino lurralde esparru zabalagoan eragin dezakeen hitzarmen kolektiboen kontra egiteaz arduratzen da (ikusi BJLO-ren 67 artikulua).

Gobernu Aretoa

Entzutegi Nazionalaren Gobernu Aretoa gobernu eskumenak dituen barne gobernuko organoa da. Besteak beste, organo judizialen banaketa arauak onartzea, BJKN-ak eskatutako txostenak gauzatzea, erakundearen jardueren urteko memoria idaztea, ordezko magistratuak proposatzea, baita disziplina botere zehatzak ere (ikusi BJLO-ren 106.1 artikulua).