«Akusatu edo prozesatu kopurua» adierazpenak ikertuak hartzen ditu barnean, baldin eta, organo judizial instruktoreak beharrezkotzat jotzen dituen eginbide guztiak gauzatu ondoren, haiei dagokienez, sumarioan prozesatzeko autoa eman bada edo prozedura laburtuan edo zinpekoen epaimahaiarenean ahozko epaiketa irekitzeko autoa eman bada.

Prozesatzeko edo ahozko epaiketa irekitzeko autoa ematen den hiruhilekoan baino ez dira zenbatzen prozesatu edo akusatu bakoitzari buruzko datuak.

Prozedura arruntei (sumarioak), laburtuei eta zinpekoen epaimahaiko prozedurei buruzko datuak jasotzen dira txostenean, baldin eta, instrukzioa amaitu ostean, epaitzeko ardura duten organoei igorri bazaizkie (Zigor-arloko epaitegia, Probintzia Auzitegiak, Zigor-arloko epaitegi zentralak, Justizia Auzitegi Nagusietako arlo zibileko eta zigor-arloko salak, Auzitegi Nazionaleko Zigor-arloko sala eta Auzitegi Goreneko zigor-arloko sala).

Epaitze-organoan jasotzen diren prozedurak jotzen dira sartutzat. 

Behin-behineko artxibatu ziren eta ondoren izapideak jarraitu dituzten prozedurak jotzen dira berriro irekitzat.

Epaitze-organoak eginbideak gauzatzeko instrukzio-epaileari igorritako prozedurak jotzen dira instruktoreari itzulitzat.

Epaiketa egin aurretik gaia amaiera ematen dion epai edo auto bat eman duten prozedurak jotzen dira ebatzitzat.

Instrukzio-fasea

Epaiketa