Gobernu Sala autonomia erkidegoko auzitegi eta epaitegien barneko gobernu-organoa da. Antolaketa- eta administrazio-funtzioak betetzen ditu.

Errioxako JANko Lehendakaria Gobernu-Salako buru da eta berdinketa kasuan lehentasun-botoa du. Berezko kideetatik aparte, bost urtetik behin autonomia erkidegoko Epaile eta Magistratuek demokratikoki aukeratzen dituzten lau magistratuk osatzen dute.

Justizia Auzitegi Nagusiko Gobernu Sala, gutxienez ere, hilean bitan bilduko da, ebazteko gairik ez balego salbu, eta horrez gain, Justizia Administrazioaren interesekoak diren premiazko gaiak dauden guztietan, Justizia Auzitegi Nagusiko Lehendakariak beharrezkotzat jotzen duenean, kideen heren batek hala eskatzen duenean proposamen arrazoitu bidez eta ebatzi edo erabaki behar den gaia adieraziz, edo Gobernu Idazkariak hala eskatzen duenean bere mendeko bulego judizialei edo Idazkari Judizialei eragiten dieten gaiak jorratzeko xedearekin. Deialdia Lehendakariak egingo du, jorratu beharreko gaiak adieraziz.