Gobernu Sala autonomia erkidegoko auzitegi eta epaitegien barneko gobernu-organoa da. Antolaketa- eta administrazio-funtzioak betetzen ditu.

Honako kide hauek osatzen dute: Auzitegiko presidenteak, auzitegi horretako gainerako Justizia Saletako presidenteek, Palmako Probintzia Auzitegietako presidenteek, Palmako epaile dekanoak, eta autonomia-erkidegoan destinoa duten karrera judizialeko kide guztiek hautatutako lau magistratu edo epailek. Haietako bat epailea da.

Justizia Auzitegi Nagusiko Gobernu Sala, gutxienez ere, hilean bitan bilduko da, ebazteko gairik ez balego salbu, eta horrez gain, Justizia Administrazioaren interesekoak diren premiazko gaiak dauden guztietan, Justizia Auzitegi Nagusiko Lehendakariak beharrezkotzat jotzen duenean, kideen heren batek hala eskatzen duenean proposamen arrazoitu bidez eta ebatzi edo erabaki behar den gaia adieraziz, edo Gobernu Idazkariak hala eskatzen duenean bere mendeko bulego judizialei edo Idazkari Judizialei eragiten dieten gaiak jorratzeko xedearekin. Deialdia Lehendakariak egingo du, jorratu beharreko gaiak adieraziz.