Eskola Judizialak bermatu behar du bere hastapeneko prestakuntza-programen bitartez karrera judizialean sartzen diren profesionalek prestakuntza-maila egokia dutela. Hastapeneko prestakuntza-programak hiru fase dituzte: lehenik, aurrez aurrekoa, diziplina anitzeko prestakuntzakoa (Bartzelonan); bigarrenik, tutoretzapeko praktiken fasea (jurisdikzio-ordena guztietako organoetan); eta, hirugarrenik, praktikaldian dauden epaileek ordezkapenak eta errefortzu-lanak egiteko fasea.