O Tribunal Supremo ten a súa sede en Madrid e é un órgano xurisdicional único en España, con xurisdición en todo o territorio nacional. Constitúe o tribunal superior en todas as ordes (civil, penal, contencioso-administrativa e social), agás o disposto en materia de garantías e dereitos constitucionais, cuxa competencia corresponde ao Tribunal Constitucional. Foi creado en 1812 polas Cortes de Cádiz (Decreto das Cortes, do 17 de abril de 1812) para exercer as competencias establecidas polo artigo 261 da Constitución gaditana.

En concreto, o Tribunal Supremo constitúe a cúpula do sistema de impugnacións e é, xa que logo, o máximo responsable da unidade de interpretación da xurisprudencia en España. Ocúpase, entre outras cuestións, de decidir os recursos de casación, revisión e outros extraordinarios, do axuizamento dos membros de altos órganos do Estado e dos procesos de declaración de ilegalización de partidos políticos.

• Visita virtual al Tribunal Supremo