Gobernu Sala autonomia erkidegoko auzitegi eta epaitegien barneko gobernu-organoa da. Antolaketa- eta administrazio-funtzioak betetzen ditu.

Gobernu Sala  hamar kidek osatzen dute eta ordezkaritza izaera du zeren eta hauetako erdia Autonomia Erkidegoko epaile eta magistratuek demokratikoki hautatzen dituzte. Gobernu Salako lehendakaria Justizia Auzitegi Nagusiko lehendakaria da. Lehendakariaz gain, berezko kideak dira Administrazioarekiko Auzien Salako eta Lan-arloko Salako lehendakariak, Iruñako Probintzia Auzitegiko lehendakaria eta Gobernu Salako idazkaria.

Justizia Auzitegi Nagusiko Gobernu Sala, gutxienez ere, hilean bitan bilduko da, ebazteko gairik ez balego salbu, eta horrez gain, Justizia Administrazioaren interesekoak diren premiazko gaiak dauden guztietan, Justizia Auzitegi Nagusiko Lehendakariak beharrezkotzat jotzen duenean, kideen heren batek hala eskatzen duenean proposamen arrazoitu bidez eta ebatzi edo erabaki behar den gaia adieraziz, edo Gobernu Idazkariak hala eskatzen duenean bere mendeko bulego judizialei edo Idazkari Judizialei eragiten dieten gaiak jorratzeko xedearekin. Deialdia Lehendakariak egingo du, jorratu beharreko gaiak adieraziz.