Kantabriako Justizia Auzitegi Gorena Botere Judizialaren espresio gorenena da autonomi erkidegoan. 1989garren urteko maiatzak 23an osatu zen estruktura judizialeko organo osagarri bezala. Justizia Auzitegi Gorenak Botere Judizialaren Lege Organikoaren 26garren artikuluan aurreikusitako plantatik sortzen dira. 

Autonomi Erkidegoan Botere Judizialaren goreneko organo bezala, gobernu funtzioetan dihardu Gobernu Aretoaren bitartez.

Justizia auzitegi bezala, jurisdikzioan dihardu hiru Justizia Aretoen bitartez.

• Zibil eta Penalari buruzko Aretoa
• Administrazioarekiko Auziei buruzko Aretoa
• Sozialari buruzko Aretoa

Kantabriako Justizia Auzitegi Goreneko Zibil eta Penalari buruzko Aretoak ezagutzen ditu aforatutako herritarren aurkako kausa penalak eta haien karguaren jardutean egindako delitu edo faltengatik Ministerio Fiskalaren epaile, magistratu eta kideen aurka irekitako auzien instrukzio eta ebazpena.

Gainera, Entzutegi Probintzialak lehen instantzian emandako epaien aurkako apelazio errekurtsoak eta beste organo  komun gorenekorik ez daukaten eskualdean egoitza duten organo jurisdikzional penalen arteko eskuduntza arazoak ezagutzen ditu.

Areto hau Santanderreko Las Salesaseko Konplexu Judizialeko antzinako komentuan aurkitzen da.

Bere aldetik, Justizia Auzitegi Goreneko Administrazioarekiko Auziei buruzko Aretoa administrazio publikoen organo fiskala da Kantabrian. Lekuko entitateen eta Autonomi Erkidegoaren egintzei buruzko errekurtsoak, Auziei buruzko epaitegien erabakien aurka sustatutako apelazioak, epaitegien arteko eskuduntza arazoak eta doktrinaren bateratzerako edo Legearen intereserako kasazio errekurtsoak ezagutzen ditu.

Azkenik, Kantabriako Justizia Auzitegi Gorenaren Sozialari buruzko Aretoa Sozialari buruzko epaitegiena baino goreneko eremuaren langile eta enpresarien interesei eragiten dieten prozesuez arduratzen da. Bere eskuduntzen artean gai laboralean edo langileei eragiten dieten gertakari konkurtsaletan lurraldeko Sozialari buruzko epaitegiek eta Merkataritzari buruzko epaitegiek emandako epaien aurkako erreguzko errekurtsoak aurkitzen dira, baita eskualdeko Sozialari buruzko epaitegien arteko eskuduntza arazoak ere.

Gobernu Aretoa eskualdeko epaitegi eta auzitegien barne gobernuko organoa da. Bere xede nagusia autonomi erkidegoko epaitegi eta auzitegien eguneroko funtzionamenduaren organizazioa da.

Kantabriako Justizia Auzitegi Gorenaren Gobernu Aretoa zortzi kidez osatuta dago eta ordezkaritza izaera dauka, haietako erdia autonomi erkidegoko epaile eta magistratuek demokratikoki aukeratuak baitira. Lau kide hautagai horietatik hiruk magistratu kategoria daukate eta laugarrenak epailearena.

Gobernu Aretoa lau kide natok osatzen dute: Kantabriako Justizia Auzitegi Goreneko eta baita Gobernu Aretoko lehendakaria, Administrazioarekiko Auziei buruzko Aretoko eta Sozialari buruzko Aretoko lehendakariak eta Entzutegi Probintzialeko lehendakaria.

Gobernu organo honen idazkari lanetan dihardu Kantabriako Justizia Auzitegi Goreneko  Gobernu idazkariak.

Kantabriako Justizia Auzitegi Goreneko Gobernu Aretoa hamabostero biltzen da Botere Judizialaren Lege Organikoak emanda dizkion barne organizazioko aferak lantzeko.

Bere erantzukizunaren pean epaitegi eta auzitegien funtzionamendua organizatzeko eskuduntza zabalak ditu. Bere funtzioen artean ondorengoak daude:

• Aipatutako organo judizialen epaile eta magistratu titularren plazak era egokian beteta egotea.
• Justizia administrazioari buruz herritarrek planteatzen dituzten kexak aztertzea.
• Prozesu judizialetan esku hartzen dutenei epaileek ezarritako zigorrak berrikustea.
• Lehendakariari inspekzio bisitak proposatzea.
• Justizia administrazioaren funtzionamendua hobetzeko beste administrazio publikoekin erlazio instituzionalak mantentzea.
• Botere Judizialaren Kontseilu Nagusiari zuzendutako ikerlan eta proposamenak lantzea eta Auzitegiaren funtzionamenduari buruzko urtean behineko memoria erakusgarria, nolanahi ere nabaritutako hutsuneen zuzenketarako beharrezkoak kontsideratzen diren neurrien adierazpena eduki beharko duena.
• Dagozkien organo jurisdikzionalei buruz Justizia Administrazioa hobetzeko pertinenteak direla uste duen neurrien hartzea Botere Judizialaren Kontseilu Nagusiari proposatzea.
• Dagozkien auzitegiak osatzen dituzten magistratuen zin egite edo promesa jasotzea eta jabetza ematea.
• Idazkari judizialetatik, Justizia Administrazioaren zerbitzura dagoen pertsonaletik edo honen zerbitzura, kondizio hau agertu gabe, era jarraian edo noizean behin dagoen beste edozeinetatik datozen diziplinazko erantzukizunen eskaera sustatzea organo eskudunaren aurrean.
• Bake Epaileen izendapenak erregistratzea.