A Sala de Goberno da Audiencia Nacional é un órgano de goberno interno con competencias gobernativas. Entre outras, aprobar as normas de repartición dos órganos xudiciais, elaborar informes solicitados polo CXPX, redactar a memoria anual de actividades da institución, propoñer maxistrados suplentes, así como determinadas facultades disciplinarias.

A Sala de Goberno da Audiencia Nacional está integrada por oito membros, catro con carácter de membro nato: o Presidente da Audiencia Nacional e cada un dos Presidentes das tres Salas correspondentes ás ordes xurisdicionais que integran a Audiencia, outros tres membros son electos democraticamente entre todos os Maxistrados adscritos á Audiencia Nacional. O Secretario de Goberno forma parte, así mesmo, da Sala de Goberno ostentando voz e voto para os asuntos concernentes a Secretarios Xudiciais ou á Secretaría de Goberno e limitándose a exercer funcións de documentación no caso de que se trate asuntos distintos dos salientados.