A Lei 38/1988, do 28 de decembro, de Demarcación e Planta xudicial, ao configurar de modo completo a planta deseñada pola Lei Orgánica do Poder Xudicial, articula as distintas ordes xurisdicionais de maneira equilibrada, facendo plena realidade o principio de unidade xurisdicional. Ao mesmo tempo, supón a reafirmación do carácter expansivo da orde xurisdicional civil, do principio de garantía dos dereitos fundamentais na orde penal, da vontade do poder executivo de facer posible un efectivo control xurisdicional da súa actuación administrativa na orde contencioso-administrativa e a de levar a cabo na orde social unha eficaz tutela das pretensións expostas neste sector do Dereito.