A expresión “Número de acusados ou procesados” fai referencia aos investigados fronte aos que, unha vez practicadas todas as dilixencias que o órgano xudicial instrutor estima necesarias, foi ditado auto de procesamento no sumario ou auto de apertura de xuízo oral no procedemento abreviado ou do xurado.

Os datos sobre cada procesado ou acusado compútanse só no trimestre en que se dite o auto de procesamento ou de apertura de xuízo oral.

O informe recolle datos sobre os procedementos ordinarios (sumarios), abreviados e do Tribunal do Xurado que, tras finalizar a súa instrución, son remitidos aos órganos encargados do seu axuizamento  (Xulgados do Penal, Audiencias Provinciais, Xulgados Centrais do Penal, Salas do Civil e Penal dos Tribunais Superiores de Xustiza, Sala do Penal da Audiencia Nacional e Sala do Penal do Tribunal Supremo).

Considéranse ingresados os procedementos que se reciben no órgano axuizador. 

Considéranse reabertos os procedementos que foron arquivados provisionalmente e posteriormente continúase a súa tramitación.

Considéranse devoltos ao instrutor os procedementos que se remiten ao Xuíz instrutor desde o órgano axuizador para a práctica de dilixencias.

Considéranse resoltos os procedementos nos que se ditou unha sentenza ou un auto que termine o asunto antes de celebrar o xuízo.

Fase de Instrución

Axuizamento