A Sala de Goberno é o órgano de goberno interno dos xulgados e tribunais da Comunidade Autónoma. Cumpre tarefas organizativas e administrativas.

As salas de goberno dos tribunais superiores de xustiza estarán constituídas polo presidente destes, que as presidirá, polos presidentes das salas neles existentes, polos presidentes das audiencias provinciais da comunidade autónoma e por un número igual de maxistrados ou xuíces, elixidos por tódolos membros da carreira xudicial destinados nela. Un, polo menos, dos componentes da sala será da categoría de xuíz, salvo que non houbese candidatos desta categoría. Ademais destes integraranse tamén, coa consideración de membros electos para tódolos efectos, os decanos que, de conformidade co establecido no artigo 166.3, fosen liberados totalmente do traballo que lles corresponda realizar na orde xurisdiccional respectiva.

As salas de goberno dos tribunais superiores de xustiza constituiranse en pleno ou en comisión. A comisión estará integrada por seis membros, tres natos e tres electos. A designación dos seus compoñentes corresponderá ó pleno e, de se produciren vacantes, a dos seus substitutos. Non obstante, formará parte dela o decano liberado totalmente de tarefas xurisdiccionais, ou un deles de existiren varios. A comisión renovarase anualmente na mesma proporción e será presidida polo presidente do tribunal superior de xustiza.

O secretario de goberno do Tribunais superior de xustiza exercerá as función de secretario da sala de goberno, sen prexuízo de todas aquelas que expresamente esta lei lle atribúa.

As salas de goberno reuniranse, polo menos, dúas veces por mes, a non ser que non houbese asuntos pendentes, e cantas veces, ademais, teñan que tratar de asuntos urxentes de interese para a Administración de xustiza, cando o considere necesario o presidente do tribunal superior de xustiza, cando o solicite a terceira parte dos seus membros mediante proposta razoada e con expresión do que deba ser obxecto de deliberación e decisión, ou cando o solicite o secretario de gobernó a fin de tratar cuestións que afecten oficinas xudiciais ou secretarios xudiciais que del dependan. A convocatoria será feita polo presidente, con expresión dos asuntos que se van tratar.