Competencias en materia de nomeamentos:

O Consello ten atribuída a potestade para o nomeamento dos seguintes cargos discrecionais:

• Propoñer onomeamento do presidente do Tribunal Supremo e do CXPX. O candidato é elixido polo Pleno, durante a súa sesión constituínte, por maioría cualificada de tres quintos que se calcula sobre a totalidade dos vinteún membros do Pleno. O presidente é nomeado polo Rei, mediante real decreto referendado polo presidente do Goberno.
• Nomear, por medio de real decreto referendado polo ministerio de Xustiza, aos maxistrados do Tribunal Supremo e presidentes de Tribunais e Salas.
• Nomear o Vicepresidente do Tribunal Supremo, o Secretario Xeral, o Vicesecretario Xeral do Consello Xeral do Poder Xudicial. Nomear o Promotor da Acción Disciplinaria e o Xefe da Inspección de Tribunais. Así mesmo nomear o Director da Escola Xudicial e os seus profesores, o Director do Centro de Documentación Xudicial e o resto do seu persoal. Nomear o Director do Gabinete Técnico do Consello Xeral do Poder Xudicial e o persoal dos servizos administrativos

Os candidatos deberán cumprir os requisitos esixidos para cada cargo xudicial, reunir os necesarios criterios de mérito e capacidade profesional e superar o proceso de selección establecido no Consello. Para asegurar a aplicación dos principios de transparencia, mérito e capacidade aprobouse o Regulamento 1/2010, que introduce un réxime de entrevistas públicas.

Como órgano de autogoberno, o Consello ten ademais a seguinte potestade en materia de nomeamentos e ascensos regrados:

• Nomear aos xuíces, mediante orde, tras un proceso de selección e formación na Escola Xudicial.
• Nomear, por medio de real decreto referendado polo ministerio de Xustiza, aos maxistrados.

Xa no ámbito extraxudicial, o Consello ten atribuída a competencia de propoñer, por maioría de tres quintos, para onomeamento de dous Maxistrados do Tribunal Constitucional.