O Tribunal Superior de Xustiza de Galicia acolleu hoxe o acto de xuramento ou promesa da 41ª promoción interna de letrados da Administración de Xustiza. O acto celebrouse ante a secretaria de Goberno do Tribunal, Concepción Otero Piñeiro, e foi presidido por Miguel Ángel Cadenas Sobreira, presidente do TSXG.

Xuraron ou prometeron os seguintes letrados: Francisco Javier Cadenas Chacón, destinado ao Xulgado de Primeira Instancia e Instrución único de Becerreá; María del Carmen Álvarez Marqués, destinada ao Xulgado de Primeira Instancia e Instrución único de Sarria; José Antonio Romasanta Ageitos, destinado ao Xulgado de Primeira Instancia e Instrución número 1 do Carballiño; e Cristina María Estévez Rodríguez, destinada ao Xulgado de Primeira Instancia e Instrución número 2 de Cangas.

Ao acto asistiu tamén o fiscal superior de Galicia, Fernando Suanzes, así como membros de Sala de Goberno, letrados da Administración de Xustiza e representantes de colexios profesionais.