Son funcións da Comisión:

1. Emitir ditame por escrito sobre as consultas relativas a casos concretos que lle fagan as Salas de Goberno dos Tribunais, as Xuntas de Xuíces, as Asociacións Xudiciais ou calquera xuíz ou xuíza en servizo activo.

Os ditames reflectirán a postura dos membros da Comisión en relación co asunto ou coa cuestión obxecto da consulta.

2. Promover a difusión e o coñecemento dos principios e propostas de ética xudicial recollidos neste texto e noutros de natureza análoga ou semellante.

3. Contribuír ao desenvolvemento das funcións atribuídas ao Consello Xeral do Poder Xudicial na coordinación e na colaboración con outras comisións xudiciais de ética, en particular coa Comisión Iberoamericana de Ética Xudicial.

4. Excepcionalmente, elaborar informes sobre asuntos ou cuestións que resulten de interese xeral e estean relacionados co comportamento ético que consonte aos principios recollidos neste texto se agarda dos xuíces e xuízas, a instancia das Salas de Goberno dos Tribunais, as Xuntas de Xuíces ou as Asociacións Xudiciais.