1. A xustiza emana do pobo e é administrada en nome do rei por xuíces e maxistrados integrantes do poder xudicial, independentes, inamovibles, responsables e sometidos unicamente ao imperio da lei.

2. Os xuíces e maxistrados non poderán ser separados, suspendidos, trasladados nin xubilados, agás por algunha das causas e coas garantías previstas na lei.

3. O exercicio da potestade xurisdicional en todo tipo de procesos, xulgando e facendo executar o xulgado, corresponde exclusivamente aos xulgados e tribunais determinados polas leis, segundo as normas de competencia e procedementos que estas establezan.

4. Os xulgados e tribunais non exercerán máis funcións que as sinaladas no apartado anterior e as que expresamente lles sexan atribuídas pola lei en garantía de calquera dereito.

5. O principio de unidade xurisdicional é a base da organización e do funcionamento dos tribunais. A lei regulará o exercicio da xurisdición militar no ámbito estritamente castrense e nos supostos de estado de sitio, de acordo cos principios da Constitución.

6. Prohíbense os tribunais de excepción.