O Xulgado do Penal número 2 de Lugo condena por un delito de apropiación indebida á muller acusada de cobrar un décimo da Lotería de Nadal do ano 2014 que resultou agraciado co primeiro premio. Na sentenza considérase probado que a acusada se atopou o décimo e, unha vez comprobou que estaba premiado, borrou unha inscrición a lapis que a súa lexítima propietaria fixera na parte posterior do boleto antes de presentalo ao cobro nunha oficina bancaria.

O maxistrado a condena ao pago dunha multa de 1.080 euros e a indemnizar á denunciante en 320.580 euros, a cantidade que percibiu polo premio unha vez deducidos os impostos legais. A sentenza non é firme e contra a mesma cabe recurso ante a Audiencia Provincial de Lugo.