No máis estrito cumprimento dos mandatos constitucionais de transparencia, o Consello abre unha ventá á reflexión sobre os asuntos xudiciais e o seu impacto social.

Alén dos fríos datos estatísticos, a Sección de Estudios Sociolóxicos do Consello Xeral do Poder Xudicial pretende ofrecer unha análise máis profundo en relación coa propia actividade xudicial e coa valoración que a sociedade fai da mesma.

Así se elaboran informes socioxurídicos, aos que poden ter acceso tanto os membros da carreira xudicial como os propios cidadáns, que tentan aportar factores sociais que inflúen na dinámica da actividade xudicial ou que están sendo demandados ao poder xudicial pola sociedade.

Estes informes ou traballos de investigación poden dividirse en:

• Monografías
• Enquisas de calidade.

As monografías abordan novos asuntos ou investigacións concretas sobre preocupacións que afloran na sociedade en relación coa actividade xudicial.

As enquisas de calidade, sexan barómetros de opinión da sociedade en xeral, sexan enquisas a xuíces ou a usuarios da Xustiza, buscan coñecer a valoración da actividade xudicial e a súa evolución ao longo do tempo.

Os informes son concibidos como un servizo público e as súas conclusións chegan a:

• Aos órganos institucionais (CXPX, Goberno, Parlamento…)
• Á carreira xudicial
• Aos medios de comunicación
• Á sociedade en xeral

Trátase, en suma, dun servizo que pode servir de soporte ao exercicio dunha labor xudicial de máis calidade e próxima á realidade social.