Justizia-sistemaren lurralde-mugaketa eta antolaketa

Mugape eta Antolaketa Judizialaren Legeak (abenduaren 28ko 38/1988) Botere Judizialaren Lege Organikoak diseinatutako antolaketa osorik konfiguratzen duenez, askotariko jurisdikzio-ordenak modu orekatuan egituratzen ditu, jurisdikzio-batasunaren printzipioa erabat betez. Era berean, berriz nabarmentzen du ondoko hauen izaera zabaltzailea: jurisdikzio-ordena zibilarena, oinarrizko eskubideak bermatzeko printzipioarena zigor arloko ordenan, botere betearazleak bere jarduketa administratiboaren kontrol zehatza posible egiteko duen nahiarena administrazioarekiko auzien ordenan eta Zuzenbidearen sektore honetan planteatutako asmoen zaintza eraginkorra egitearena, lan-arloko ordenan.