A Audiencia Provincial de Lugo condena a seis anos de prisión a un home que disparou a outro en Baralla coa intención de acabar coa súa vida. O tribunal considérao culpable dun delito de homicidio en grao de tentativa e doutro de tenencia ilícita de armas e acorda que indemnice á vítima na cantidade de total 9.700 euros e ao Sergas en 5.210.

Ademais, imponse ao procesado a prohibición de aproximarse a menos de cincuenta metros do agredido, así como manter calquera tipo de comunicación con el polo tempo de cinco anos.