O Xulgado de Primeira Instancia número 1 de Ourense suspendeu preventivamente o acordo adoptado o 18 de outubro de 2020 pola asemblea xeral extraordinaria de Democracia Ourensana polo que foron expulsados do grupo municipal tres concelleiros. Desta forma, acolleu a solicitude de medida cautelar presentada polos tres edís.

A xuíza indica no auto que a formación política “non parece que tivese facultades para expulsar do grupo municipal aos actores, tendo en conta que grupo municipal e partido son entidades diferentes”.