A Sección Sexta da Audiencia Provincial da Coruña, con sede en Santiago, confirma a sentenza ditada polo Xulgado do Penal nº2 de Compostela que condenou a sete anos de inhabilitación para o exercicio de calquera cargo ou función pública no ámbito da Administración Local ao concelleiro de Seguridade Cidadá de Santiago en 2012 por un delito de prevaricación administrativa.

Os maxistrada desestiman o recurso presentado ao entender que da proba practicada quedou acreditado que o acusado designou como xefe accidental da Policía Local a un funcionario en quen non concorrían os requisitos legais e regulamentarios para ostentar tal cargo, e que o fixo para prexudicar ao denunciante.