A Sección Sexta da Audiencia Provincial da Coruña estima o recurso presentado polos acusados no caso da Fundación Cela e declara a incompetencia do Tribunal do Xurado para axuizar esta causa.

A sala entende que ha de ser xulgada polos maxistrados da propia sección, xa que aos investigados se lles acusa dunha malversación impropia, "aquela que pode ser cometida por persoas que non teñen a condición de funcionarios públicos", e por tanto non sería competencia da Lei do Xurado.