A Audiencia Provincial de Ourense condenou ao alcalde de Vilariño de Conso, Ventura S.V., a sete anos de inhabilitación especial para emprego ou cargo público por prevaricación na aprobación de 29 contratos temporais no Concello entre os anos 2012 e 2013.

A sentenza absolve ao edil do delito de falsidade documental que lle atribuían a Fiscalía e a acusación popular, que solicitaran un total de cinco anos de cárcere e catorce de inhabilitación por ambos delitos, mentres que a defensa reclamara a libre absolución.