A Sección Segunda da Audiencia Provincial de Ourense condenou a dous anos e tres mese de prisión a un mestre considerado culpable por un xurado popular de quedarse con case 15000 euros do centro no que traballada. A sentenza considera probado que o acusado, “aproveitándose da súa participación na xestión económica do centro, desde o ano 2003 e ata o ano 2007, apoderouse de diversas cantidades de diñeiro, que tiña ao ser dispor e que se achaban destinadas a satisfacer as necesidades do colexio, especialmente as derivadas do comedor escolar”.

O maxistrado presidente do Tribunal do Xurado condénao por un delito continuado de malversación de caudais públicos, en concurso medial cun delito continuado de falsidade de documentos mercantís, concorrendo como moi cualificada a atenuante de dilacións indebidas. Ademais da pena de cárcere, impónselle multa de 8 meses con cota diaria de 6 euros, e inhabilitación para o desempeño de funcións docentes por tempo de 2 anos.