A Audiencia Provincial de Ourense ven de ditar a primeira sentenza na que se aplica a resolución do Tribunal de Xustiza da Unión Europea sobre a retroactividade das cláusulas chan. Neste caso, o tribunal confirma a sentenza de instancia, que xa condenara á entidade bancaria a reintegrar aos clientes o cobrado de máis desde a firma do contrato de préstamo hipotecario.

A Sala só estima en parte o recurso de apelación interposto polos clientes, no sentido de non efectuar expresa imposición das costas do procedemento de instancia, do mesmo xeito que non se efectúa respecto das devengadas na apelación.