Euskal Autonomia Erkidegoan destinoa duten 72. promozioko zazpi epaileek karguen zina egin dute
Ekitaldia asteazken honetan izan da, Euskal Autonomia Erkidegoko Auzitegi Nagusiaren egoitzan, Bilbon, Karrera Judizialaren hirurogeita hamabigarren promozioa osatzen duten 160 profesionalek (119 emakume eta 41 gizon) Bartzelonan idatzagiriak jaso eta astebetera
- Egilea
- Comunicación Poder Judicial
Euskal Autonomia Erkidegoko Auzitegi Nagusiko presidente Iñaki Subijana buru izan da gaur Euskal Autonomia Erkidegoan destinaturik dauden Karrera Judizialaren 72. promozioko zazpi epaile berrien – lau emakume eta hiru gizon – zin egite edo hitzematearen ekitaldi solemnean.
Ekitaldia asteazken honetan izan da, Euskal Autonomia Erkidegoko Auzitegi Nagusiaren egoitzan, Bilbon, Karrera Judizialaren hirurogeita hamabigarren promozioa osatzen duten 160 profesionalek (119 emakume eta 41 gizon) Bartzelonan idatzagiriak jaso eta astebetera.
Ekitaldia amaitzean, Euskal Autonomia Erkidegoko Auzitegi Nagusiko presidenteak hitz batzuk zuzendu dizkie epaile berriei, eta nabarmendu du independentzia judizialak garrantzi handia duela pertsonen eskubideak eta interesak hobeto babesteko berme gisa.
Era berean, inpartzialtasunaren, zorroztasunaren eta zuhurtasunaren balioaz, entzutearen ariketaz eta zaurgarrienak Justiziara iritsi ahal izatea bultzatzearen konpromiso aktiboaz hitz egin du, epaileen jardun profesionala gidatu behar duten elementuak diren aldetik.
Orobat, epailetzako profesionalen erabateko zilegitasuna egunero aldarrikatzeko dei egin du, pertsonen eskubideen erabilera eta botere publikoen jardunaren legezkotasunaren kontrola bermatzeari begira, eta epaileen erabakien zentzuari zuzendutako kritikak errespetatzeko, erabaki horiek hartzeko zilegitasuna zalantzan jarri gabe, besteak beste.
Hauek dira zazpi epaile berrien destinoak:
Izen-abizenak |
Destinoa |
Ibai Yerro Arribillaga |
Tolosako Lehen Auzialdiko eta Instrukzioko 3 zk.ko Epaitegia |
Alejandro Alonso Sebastián |
Getxoko Lehen Auzialdiko eta Instrukzioko 3 zk.ko Epaitegia |
Cristina Ordóñez del Val |
Getxoko Lehen Auzialdiko eta Instrukzioko 4 zk.ko Epaitegia, emakumeen aurkako indarkeriaren arloan eskumenak dituena |
Carlos Díaz Armiño |
Gernika-Lumoko Lehen Auzialdiko eta Instrukzioko 3 zk.ko Epaitegia, emakumeen aurkako indarkeriaren arloan eskumenak dituena |
María del Carmen Medina Román |
Tolosako Lehen Auzialdiko eta Instrukzioko 1 zk.ko Epaitegia, emakumeen aurkako indarkeriaren arloan eskumenak dituena |
María Dolores Salgado Luelmo |
Eibarko Lehen Auzialdiko eta Instrukzioko 2 zk.ko Epaitegia, emakumeen aurkako indarkeriaren arloan eskumenak dituena |
Beatriz Ledo Languilla |
Amurrioko Lehen Auzialdiko eta Instrukzioko 2k.ko Epaitegia |