TSX Galicia
O Tribunal Superior de Xustiza culmina a organización xudicial no ámbito territorial da comunidade autónoma, sen prexuízo da xurisdición que corresponde ao Tribunal Supremo e daquelas materias que esixan garantías constitucionais, competencia que corresponde ao Tribunal Constitucional.
Noticias Xudicial TSX Galicia
RSSEn Portada
Os órganos xudiciais galegos reciben un 31,7 % máis de asuntos no primeiro trimestre do ano
O ingreso de procedementos aumentou en todas as xurisdicións, do mesmo xeito que a resolución. Entre xaneiro e marzo os xuíces e xuízas galegos finalizaron 91.213 casos, o que supón un aumento interanual do 34,8 %. A taxa de litixiosidade en Galicia situouse en 35,97 asuntos por cada mil habitantes, por baixo da media estatal (40,67)
As separacións e divorcios en Galicia aumentan un 22 % no primeiro trimestre de 2024
As demandas por ruptura matrimonial pasaron de 1.126 a 1.374. Por cada 100.000 habitantes contabilizáronse na comunidade 50,8 demandas, fronte ás 53,6 de media estatal. As separacións consensuadas son as que sufriron un maior incremento, un 86,7 %, con respecto ao mesmo período do ano pasado
As XVII Xornadas Xurídicas de Sarria analizarán os delitos informáticos e a ciberseguridade
O curso, que se celebrará entre o 12 e o 14 de xuño na Casa da Cultura da localidade, forma parte do programa de Formación Continua do CXPX. Os expertos tratarán en mesas redondas asuntos como a privacidade no mundo dixital ou as novas tipoloxías delituosas e a súa influencia na violencia de xénero. O fiscal xeral do Estado ofrecerá o relatorio inaugural do encontro, o cal clausurará o presidente ...
Os concursos presentados nos xulgados galegos aumentan un 79 % no primeiro trimestre de 2024
Incrementaron tanto os lanzamentos practicados por falta de pagamento de alugueiro (un 87 %) como por execucións hipotecarias (un 68 %). En Galicia contabilizáronse 0,6 verbais posesorios por ocupación ilegal de vivenda por cada 100.000 habitantes. As demandas por despedimento creceron un 43 % respecto ao mesmo período de 2023