A Comisión Mixta propoñerá ao Ministerio de Xustiza a creación de doce novos órganos xudiciais en Galicia
Ademais dos xulgados, solicitarase a creación de tres novas prazas nas audiencias provinciais da Coruña e Pontevedra e na Sala do social do TSXG. O Goberno aínda non comunicou o número de unidades xudiciais que prevé crear na comunidade este ano
- Autor
- Comunicación Poder Judicial
A Comisión Mixta de Xustiza, presidida por José María Gómez y Díaz-Castroverde, presidente do Tribunal Superior de Xustiza de Galicia (TSXG), e polo conselleiro de Presidencia, Xustiza e Deportes, Diego Calvo, acordou hoxe solicitar ao Ministerio de Xustiza a creación de doce unidades xudiciais para a comunidade autónoma en 2024, petición á que se engadiu a creación de tres novas prazas de maxistrado/a nas audiencias provinciais da Coruña e Pontevedra, e na Sala do social do TSXG. De forma consensuada, a Comisión Mixta demandará, por esta orde, ao Goberno, que aínda non comunicou o número de unidades xudiciais que prevé crear na comunidade este ano -aínda que nos últimos exercicios autorizou a posta en marcha de tres-, os seguintes novos xulgados e prazas:
-Xulgado de Violencia sobre a Muller (Santiago de Compostela).
-Xulgado de Primeira Instancia (Ourense).
-Un maxistrado/a para a sección cuarta, con competencia civil (Audiencia Provincial da Coruña).
-Xulgado de Primeira Instancia e Instrución (Viveiro).
-Un maxistrado/a para a sección segunda, con competencia penal (Audiencia Provincial de Pontevedra).
-Xulgado de Primeira Instancia e Instrución (Vilagarcía de Arousa).
-Xulgado do Contencioso Administrativo (Santiago de Compostela).
-Xulgado de Primeira Instancia (Vigo).
-Un maxistrado/a para a Sala do Social (TSXG).
-Xulgado de Primeira Instancia (Pontevedra).
-Xulgado de Primeira Instancia e Instrución (Ribeira).
-Xulgado de Primeira Instancia e Instrución (Carballo).
-Xulgado de Primeira Instancia (A Coruña).
-Xulgado do Penal (Ourense).
-Xulgado do Social (Ferrol).