A fiabilidade das identificacións de sospeitosos de cometer delitos centrou a xornada de hoxe da Escola de Verán do Poder Xudicial, que se celebra ata o 12 de xullo no pazo de Mariñán, na provincia da Coruña. A doutora en Psicoloxía e catedrática da Universidade Autónoma de Madrid Margarita Diges Junco analizou durante a súa intervención os aspectos psicolóxicos que os membros da carreira xudicial deben ter en conta á hora de valorar as identificacións.

En concreto, centrouse na suxestión e no falso recoñecemento. A experta destacou que un 70% das condenas erróneas “se basearon no falso recoñecemento dunha ou varias testemuñas do delito, testemuñas que, a pesar do seu erro, identificaron con moita seguridade a persoa equivocada”.

Con base neste dato, a relatora profundou na fiabilidade da identificación como proba de cargo para condenar. “Os erros no recoñecemento dunha cara non son só un problema de memoria, senón tamén de susceptibilidade á suxestión. Esa suxestión pódese dar na indagación policial, na propia roda de recoñecemento -a través da súa composición ou das instrucións- e mesmo polos comentarios entre testemuñas do mesmo delito ou dos medios de comunicación”, manifestou.

A especialista terminou a súa exposición cunha proposición de melloras na realización da proba de identificación, así como de pautas para detectar erros e para valorar a proba no xuízo oral. Diges salientou que o obxectivo é conseguir “que diminúa o número de falsos culpables”. Ese foi o reto sobre o que tamén debateron os tres participantes da mesa redonda que se celebrou tras o relatorio da doutora en Psicoloxía.

A maxistrada da Audiencia Provincial de Madrid Pilar Rasillo López; o doutor en Medicina e en Neurociencia pola Universidade de Oxford, así como honoris causa pola Universidade Século XXI e catedrático de Fisioloxía Humana da Universidade Complutense de Madrid, Francisco Mora Teruel; e a doutora en Psicoloxía e catedrática en Psicoloxía Social e Xurídica da Universidade da Laguna Ana María Martín Rodríguez intercambiaron impresións sobre o nomeado “falso culpable”.

* En la imagen, el vocal del CGPJ Juan Manuel Fernández, la magistrada de la Audiencia Provincial de Madrid Pilar Rasillo López; el doctor en Medicina y en Neurociencia por la Universidad de Oxford, así como honoris causa por la Universidad Siglo XXI y catedrático de Fisiología Humana de la Universidad Complutense de Madrid, Francisco Mora Teruel; y la doctora en Psicología y catedrática en Psicología Social y Jurídica de la Universidad de la Laguna Ana María Martín Rodríguez